現年 58歲的林煥光 04年離開問責班子後,一直有機會重返政府。但他不加入曾班子,自行剪報、寫信“搵工”,曾任奧運馬術公司行政總裁,今年 2月掌管平機會。“桐油埕都系裝番桐油,我邊識去恆基(指地產商)做野?”林煥光說,加入平機會,因工作與自己信念相符。港人尊重多元、重視自由、公義、平等機會,是小城獨有的靈魂。“起樓邊度起唔到?但值價觀要經過百年積累!”
撐最低工資 轟無良議員
所以當他看到這地方的本地生產總值不斷增長,大部份打工仔收入卻不升反跌,他擔心這裡還是否一個平等機會城市,港人日後怎樣同心打拼?於是他開腔力撐最低工資。“當一個議員講時薪 20蚊,仲大言不慚,講到你唔跟就會死咁誇張時,你仲唔講自己睇法,系咪唔合乎平機精神?”
林煥光表示,平機會不會畫地為牢,只要有關乎平等機會、公義的議題,即使未必與四條反歧視條例有直接關系,也會主動出擊。談及法例,他直指種族歧視條例不規管政府的決定“極不明智”。他憶述,草擬法例初期,建議政府部門同樣受規管,後來不知何故改變初衷。“咁系一個負面示范,過去三條法例都規管政府,冇令你運作困難。唔信就唔好立法,信就要以身作則。”
轟議員罵政府絕不手軟,林煥光無懼壓力,他說“吃奶罵娘”只是文明社會的初階。一個真正先進的文明社會,政府應提供知識、渠道,讓市民對政權責罵、制衡。高官聽到這“自己友”的反對聲音,也不應動氣。林煥光解釋,現代管理哲學說明,管理團隊千萬別“同聲同氣”:“如果一言堂,英明領袖嘅決定可能喺五年內系對,但到咗第六年就會玩完。”
權力要監察 防集體腐敗
為官多年,他曾在立法會被議員為難,曾因傳媒揭露緋聞而下台,但林煥光百分百認同權力一定需要受監察,否則只會集體腐敗。政府被公眾挑戰,他視為平常事。“試諗嚇如果唔系填海引起好多人發聲,?家個海會填到邊?如果唔系年輕人喺天星皇後扎曬營,今日會唔會有保育景賢裡、永利街?”他認為,當權者應站在更高的位置看問題,“佢嘈你那陣你可能系好煩,個計劃慢咗,但睇番(事後對社會)系咪好咗?”
http://hk.apple.nextmedia.com/template/ ... d=14013613
身為管理層既, 睇多D 新聞, 好多野都要好好咁學下..... "當權者應站在更高的位置看問題"
BTW. 呢度都有個平台俾各位發聲, 可能大家既對自己既工作環境好滿意, 唔覺得有問題, 冇咩人講野.