由 Marco » 8日 5月 2008年, 19:36
1.您是否覺得讀完動畫課程可以比畢業生入行?
讀o既o野唔夠工作用, 入到行o既 Animator 通常都有自修。
入唔入到都視乎做乜工種, 做 Technical 職位o既剩讀 Animation 肯定唔夠。
2.怎樣好的動畫課程可以比畢業生入行?
入唔入到行, 我覺得系個人o既問題多過系課程o既問題。
3.點解市場上有這麼多動畫課程?
因為仲有好多年青人夢想系做 production, 因為年青人有虛榮心, 想自己 d work 出街。
4.你覺得現在動畫課程目的是什麼?
職業培訓 或 藝術培訓。(我強調好難做到兩者平衡, 職業培訓實際 d, 好過餓死)
5.市場上的動畫公司是否可以吸取所有動畫畢業生入行?
我覺得唔可以。咁多間學校, 一年分分鍾有幾百人畢業, 點請咁多?
6.你是否覺得動畫課程能夠吸引行業的從業人員入讀?點解可以同不可以?
視乎個人睇法, 我覺得就算讀都只系為要個學歷, 唔系為 d 課程內容。
讀動畫唔同讀工程, 學校幫唔到學生太多。
7.你是否覺得入讀的學員有什麼心態?
睇o下系邊個讀啦。(Syntax Error+Logical Error!)
8.點解你想要做動畫帥?
因為曾經有個夢。
9.你覺得做動畫帥,要有什麼條件?
唔怕窮, 唔怕家變, 勤力, 快手, 高 EQ, 想像力強, 有時間觀念, 團結。
10.是否要有動畫比賽的獎狀才容易入行?
Portfolio 同心態比獎實際。難聽講句, 大部份比賽都只系業余/學生水平, 得獎都幫唔到幾多。
11.你覺得現在課程欠缺什麼元素?
問題在於課程內容太濫, 范疇太多, 唔系太少。
12.你覺得現在動畫課程是否一定要加入培育故事設計及漫畫創作元素?
我覺得動畫創作同漫畫創作好唔同, 所以唔駛加。(注: 漫畫培訓唔等如基礎繪畫培訓)
加入故事創作訓練可以令學生有個比較完善o既發展, 但對工作冇幫助, 創作同制作系兩種工作。
13.點解要加入故事設計及漫畫創作元素?
睇番上面。
14.你覺得3d動畫課程可否取代2d動畫課程?
唔可以。
15.你是否覺得其他亞洲國家的動畫教育課程是怎麼樣?
個個國家都唔同。
16.你是否覺得香港動畫教育課程是否有問題?
系好有問題, 因為大多數課程只可以生產軟件操作員, 而唔系Artist, 所以先多人問入唔入到行呢個問題。讀 CG 課程前, 最好先打好個 Art 底, 但我唔系指漫畫底。
17.你覺得政府是否支持動畫教育?如何支持及配合?
我覺得政府冇乜支持。
我覺得要個市場支持先有用, 如果冇市場, 政府支持o黎做乜? 支持o黎暫時減低青少年雙失率?
我覺得而家香港動畫界最大o既危機系:
- 市場收縮, 面對鄰近地區激烈競爭, 投資風險高。
- 技術水平遠低於歐美國家。
第一個問題系市場問題, 問生意人好過問政府。
第二個問題系環境問題, 技術/科技水平好講本地教育o既配合, 更加系講錢! 冇市場, 冇錢谷技術, 何來進步? 美國同德國o既科技都唔系一日爆出o黎, 人地三十年前搞 R&D 時香港都唔知搞緊乜, 而家香港只可以買外國o既Software用, Software全世界都可以買, 唔可以令香港有比較高o既競爭力。 唔好話香港可以靠創意補救, 創意系與生俱來, 世界各國都有創意, 而且創意唔一定等如賣座能力, 小心。我覺得制作質素 = 創意 X 技術! 唔系+, 兩者衰一樣都唔掂。 政府可以點幫? 好難幫...